【貓咪表達好感的5種常見動作】
  • Smeowio

【貓咪表達好感的5種常見動作】

貓主子一向比人既感覺都係高深莫測,不過當一位剷屎官得到主子寵幸果陣,主子都會派糧獎勵下佢。咁你又知唔知邊5個動作呢?比少少時間你諗一諗。



【磨蹭】


好感指數 ★★★☆☆

常見指數 ★★★★☆






磨蹭有唔少解釋,有科學家認為係貓貓為左留低自己既氣味。

但普偏既說法,係貓貓為左「御膳」而對奴才既一種示意。但貓貓除左對奴才會咁做,有時對其他貓貓狗狗都會走去磨下,但咁做係唔會令到自己有野食。

所以有種新既說法係,呢個動作係貓貓表達好感既方式,單純而直接表達:

「奴才,做得好」

「歡迎返黎」

「早晨,早餐呢?」



【露肚腩】

好感指數 ★★★☆☆

常見指數 ★★★☆☆


可能你會問:

「點解常見度得3粒星?」

若果你家主子經常都會咁做,咁我要恭喜你,因為你令到佢好有安全感。


貓咪既肚腩係非常神聖既,會露出黎比你睇已經係天大既賞賜。一般而言,貓咪唔鐘意人摸佢肚腩(我明,邊忍到手唔摸)。貓咪只會係絕對安全而舒適既時候先會露肚腩,亦代表佢完全信任你。

其實天氣熱既時候,會比較易見到貓咪咁做,因為肚腩都要散熱架嘛。





【舔拭】

好感指數 ★★★★★

常見指數 ★★★☆☆


呢度所講既「舔」,唔係貓咪舔自己,係舔自己以外既朋友或奴才。

所有貓咪出生時,都有享受過媽媽用舌頭舔自己既感覺。


所以感情好既貓咪會互舔,但感情唔好既⋯⋯就唔會見到佢地咁做喇。同樣地,奴才如果想同主子增加親密度既話,無錯!!用手就可以喇(唔駛舔主子既),專家認為,貓咪會將奴才既撫摸當成某程度既舔拭,如果運氣夠好,主子就會舔返你作為回禮。




【眨眼仔】

好感指數 ★★★★★

常見指數 ★★★★☆


貓既眼晴可以表達到好多意思,除左常見既喜怒衰樂,眨眼仔係最容易忽視既一個親密表現。如果一隻貓眼金金咁望住你,佢應該係向你要求某D野。但若果佢對住你慢慢眨眼仔,咁係因為你令到佢好有親切感,係你身邊可以放鬆心情。


如果以人既說話黎表達,貓貓其實係講緊「我好鐘意係你身邊」,就好似向你告白咁。

如果以人既動作黎表達,貓貓既動作就等於「錫啖你」一樣

所以見到貓貓情深咁望住你,記得向佢眨下眼,佢可能會錫返你架。




【摩鼻仔】

好感指數 ★★★★☆

常見指數 ★★☆☆☆


每種生物都有各自既打招呼方式。人同人見面時會握手,而貓打招呼就係磨鼻仔。

雖然常見指數我只比左兩粒星,係因為貓與人之間的確無咁易做到。


其實貓貓咁做,除左打招呼,更重要既目的係傳送氣咪

貓貓係以氣味去分別朋友同家人,貓貓鐘意自己既地盤同奴才都有自己既氣味,因為可以令佢地搵到「家的感覺」。佢地會努力維持呢種感覺,所以總會出現係唔同既地方,直到「家的氣味」傳送完成,就會安心訓,訓飽食個飯,梳下毛,又會繼續散播佢既「愛」

96 次瀏覽

​愛貓、讀貓、懂貓

Smeowio部落格,只為在寫作的同時,增進更多毛孩知識

無論你是新手貓奴或資深剷屎官,都歡迎你一起分享更多幸褔事

商店資訊

品牌故事

物流配送

訂購方法

常見問題

聯絡我們

6532-3726

info@smeowio.com

星期一至六

10:00AM-8:00PM

Copyright © 2018 Smeowio All Rights Reserved